2019-05-09 12:45:23

تصميم وبرمجة مواقع الوردبريس wordpress

نظم إدارة المحتوى أو Content Management Systems


هي الجزء الخاص بالبرمجة فى تكوين أي موقع و اللي بتساعد على تنظيم و إدارة المحتوى و التسهيل على المحررين بالموقع إضافة المحتوى و متابعة التعليقات عليه ..


أمثلة لنظم إدارة المحتوى : Joomla و Drupal و WordPress اللي هيكون محور كلامنا عنه النهاردة..


فى البداية كان منصة تدوينية تقدر من خلالها تنشأ المدونة الخاصة بيك , تضيف عليها مواضيعك و تديرها .. مع الوقت اتطور الـ WordPress


ليصبح برنامج إدارة محتوى شامل تقدر عن طريقه تنشيء موقع كامل و تديره بسهولة و ده بيرجع لإمكانية تشكيله و تطويعه حسب نوع الموقع أو حجمه بالإضافة لمميزات كتير تانية فمثلا الـ WordPress

-مفتوح المصدر و ده سبب قوته لأن المطورين على مستوى العالم بيطوروا فيه يوم بعد يوم .. و ده يخليه قابل للتطوير و التعديل بسهولة بمعنى آخر تقدر تنشأ موقعك و تعدل فيه بعد كده براحتك و مش شرط حتى باستخدام نفس المُطوِّر اللى طوّره فى البداية .


-تم إعداده بشكل يتناسب مع محركات البحث و إمكانية إنك تزود عليه إضافات عديدة للـ SEO


-Customizable ..تصميمك لموقعك باستخدام ال WordPress قابل للتعديل و التطوير بشكل يتناسب مع أى نوع من أنواع المواقع سواء كان موقع شركة أو e-commerce أو .. أو .. و ممكن تصممه بالشكل اللى يناسبك تماما بدون التقييد بقوالب معينة


-الإضافات .. إمكانية إضافة Plugins زى Facebook و Twitter plugins و غيرها (أكتر من 40000 plugin) على الموقع بسهولة.


-Responsive .. من أهم مميزات الـ WordPress أنه متوافق مع الموبايل و التابلت.


-لوحة تحكم كاملة و فى نفس الوقت سهلة و منظمة ما بين تحرير النص أو الصور أو الفيديوهات.


-لأن الـ WordPress فى الأساس منصة تدوين فموقعك هيحتوى ضمنيا على مدونة مربوطة بيه.


-التحديثات المستمرة و خصوصا الأمنية منها.


-مجتمع مستخدمي ال WordPress و اللى بيثقوا فيه كبير جدا فمن بين كل 6 مواقع موقع مطور بالـ WordPress بإجمالى حوالى 60 مليون موقع و الرقم بيزيد 100 ألف موقع كل يوم !